Ёшлар маънавиятини юксалтириш, улар ўртасида китобхонликни кенг тарғиб қилиш мақсадида вилоятимиздаги туман ва шаҳарлар марказларида бирин-кетин “Ёшлар кутубхоналари” барпо этилиб, ёшлар ихтиёрига берилмоқда.

Навбатдаги “Ёшлар кутубхонаси” Тойлоқ тумани Маданият маҳалла фуқаролар йиғини ҳудудида бунёд этилди. 
Кутубхона ўзбек миллий адабиёти ва жаҳон адабиёти дурдона асарлари ва компьютер жамланмалари билан жиҳозланди. Ёшлар кутубхонасини фойдаланишга топшириш тадбирида туман жамоатчилиги, соҳа вакиллари ва ёшлар иштирок этишди.