Самарқанд вилояти ҳокимлиги w w w . s a m a r k a n d . u z

ТОШКЕНТ-САМАРҚАНД ЙЎНАЛИШИДА ПУЛЛИК АВТОМОБИЛЬ ЙЎЛИ ҚУРИЛИШИ РЕЖАЛАШТИРИЛДИ

ТОШКЕНТ-САМАРҚАНД ЙЎНАЛИШИДА ПУЛЛИК АВТОМОБИЛЬ ЙЎЛИ ҚУРИЛИШИ РЕЖАЛАШТИРИЛДИ

Инвестициялар бўйича давлат қўмитасида қўмита раисининг биринчи ўринбосари Лазиз Қудратовнинг Cengiz-Kolin-Kalyon компаниялар консорциуми билан учрашуви бўлиб ўтди.

Бу ҳақда kun.uz хабар қилмоқда.

Учрашувда Самарқанд - Тошкент йўналиши бўйича давлат - хусусий шериклик принципларида автомобиль йўлини қуриш масаласи муҳокама қилинди.

Тадбирда янги намунадаги автомобиль йўли қурилиши ишларига жалб этилувчи тегишли вазирлик ва идоралар мутахассислари ҳам иштирок этдилар. Улар келгусида лойиҳанинг бизнес-режасини тайёрлашда киритиладиган таклифларни билдиришди.

Туркиянинг Cengiz-Kolin-Kalyon консорциуми билан ҳамкорликда давлат–хусусий сектор ҳамкорлиги тамойиллари бўйича автомобиль йўли қурилишига оид инвестицион келишув турк инвесторлар томонидан тақдим этилган лойиҳалар рўйхатига кирган ҳамда Ўзбекистонга Туркия президенти Ражаб Тоййиб Эрдўғаннинг жорий йил баҳоридаги ташрифи давомида имзоланган.

Биринчи пуллик автомобиль йўли лойиҳасининг миллий ҳамкори - Автомобиль йўллари бўйича давлат қўмитаси.

Туркия пудратчилар вакили томонидан таъкидланишича, лойиҳа 2 соат ичида Тошкент ва Самарқанд орасидаги масофани босиб ўтиш имконини беради.

Учрашувда лойиҳани ишлаб чиқишда магистралнинг турар-жой туманларидан ўтиши, яйлов ва қишлоқ хўжалиги ерларига минимал таъсир ҳамда атроф-муҳит ҳолати ҳисобга олиниши кераклиги муҳокама қилинди.

Тошкент – Самарқанд пуллик автомобиль йўли лойиҳаси бўйича қурилиш ишлари 2019-2020 йилларга режалаштирилган.

ҲОКИМЛИК АХБОРОТ ХИЗМАТИ


Охирги ўзгариш: 15/09/2018 18:13.   Кўрилганлиги: 52
 
Материал манзили: https://samarkand.uz/press/news/toshkent-samarqand-yonalishida-pullik-avtomobil-yoli-qurilishi-rejalashtirildi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 1

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг