Самарқанд вилояти ҳокимлиги w w w . s a m a r k a n d . u z

“ТАШАББУС–2018”: КЎРИК-ТАНЛОВ ЯНГИЧА ШАКЛДА ЎТАДИ

“ТАШАББУС–2018”: КЎРИК-ТАНЛОВ ЯНГИЧА ШАКЛДА ЎТАДИ

Президент соврини учун тадбиркорлар, фермерлар ва ҳунармандлар ўртасида ўтказиб келинаётган “Ташаббус” республика кўрик-танлови бу йил тамомила янгича шаклда ва юқори савияда ўтказилиши кутилмоқда.

- Бундан олдинги кўрик-танловларда “Йилнинг энг яхши тадбиркори”, “Йилнинг энг яхши ҳунарманди” ва “Йилнинг энг яхши фермери” номинациялари бўйича ғолиблар аниқланар эди, - дейди савдо-саноат палатаси вилоят ҳудудий бошқармаси бошлиғи Шерали Йўлдошев. - Ўрганишларга қараганда, олдинги кўрик-танловларда ғолиблар асосан саноат йўналишидаги тадбиркорлардан иборат бўлиб қолган.

Шунга кўра, «Ташаббус-2018» танловига янгилик киритилиб, улар қуйидаги: саноат соҳасида «Йилнинг энг яхши тадбиркори», хизмат кўрсатиш соҳасида «Йилнинг энг яхши тадбиркори», «Йилнинг энг яхши ёш тадбиркори», «Йилнинг энг яхши фермери», «Йилнинг энг яхши ҳунарманди» номинациялари бўйича ўтказиладиган бўлди. Яъни, асосий номинациялар сони бештага етказилди. Бу эса хизмат соҳасида фаолият кўрсатаётган ёш тадбиркорлар учун имкониятлар эшигини очиши шубҳасиз.

«Ташаббус – 2018» кўрик-танловининг туман (шаҳар) босқичлари шу йилнинг 27 августидан 28 сентябрига қадар, вилоят босқичи 5 октябрдан 25 октябрга қадар ўтказилиши белгиланган. Якуний – республика босқичи 14-15 ноябрь кунлари Тошкентда ўтказилади.

Кўрик-танловнинг асосий номинациялари бўйича республика босқичи мутлақ ғолиблари Ўзбекистон Республикаси Президентининг совғаси сифатида «Shevrolet-Spark» автомашинаси билан тақдирланади.

Кўрик-танловнинг вилоят босқичи жорий йилнинг 17 октябрь куни Самарқанд шаҳридаги спортнинг ўйин турлари ва енгил атлетикага ихтисослашган олимпия захиралари спорт мактаби биносида ўтказилиши белгиланган.

Танловнинг туман босқичлари 6 сентябрдан бошланади.

 

Адҳам Ҳайитов.


Киритилган вақти: 01/09/2018 21:46.   Кўрилганлиги: 885
 
Материал манзили: https://samarkand.uz/press/news/tashabbus2018-korik-tanlov-yangicha-shaklda-otadi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 12

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг