19 март куни Самарқанд шаҳридаги вилоят олимпия захиралари тайёрлаш марказида Ўзбекистон Республикаси Президенти соврини учун ўтказиладиган анъанавий “Ташаббус-2016” кўрик-танловининг вилоят босқичи бўлиб ўтади.

Унда кўрик-танловнинг шаҳар ва туман босқичларида ғолибликни қўлга киритган ташаббускорлар қуйидаги номинациялар бўйича беллашадилар:

• “Энг яхши тадбиркор” - 1,2,3-ўринлар;
• “Энг яхши фермер” - 1,2,3-ўринлар;
• “Энг яхши ҳунарманд” - 1,2,3-ўринлар.

Шунингдек, кўрик-танловга “Энг ёш тадбиркор”, “Энг яхши тадбиркор аёл”, “Йилнинг энг мурувватли тадбиркори”, “Энг яхши маҳсулот учун”, “Тадбиркорлик учун энг яхши муҳит яратган туман (шаҳар)” каби қўшимча номинациялар ҳам киритилган.

Шу куни вилоятда ўзига хос тадбиркорлар байрамиташкил этилади. Соат 09:00 дан вилоят олимпия захиралари тайёрлаш маркази спорт мажмуаси ва атрофи танлов иштирокчиларидан ташқари савдо ва ишлаб чиқариш корхоналари маҳсулотлари билан тўлади. Концерт дастури намойиш этилади.

Савдо-саноат палатаси вилоят ҳудудий бошқармаси