Самарқанд “Ёшлар маркази” ижодий уйида касб-ҳунар коллежлари ва академик лицей битирувчилари ўртасида “Менинг бизнес ғоям” танловининг вилоят босқичи ўтказилди.

Унда танловнинг туман босқичидан муваффақиятли ўтган 160 нафар иштирокчи қатнашиб, улардан 62 нафарининг бизнес режаси истиқболли деб топилди.

Тадбир доирасида ёшларнинг тадбиркорлик кўникмаларини шакллантиришга йўналтирилган ўқув ҳам ташкил этилиб, мутахассислар томонидан якка тартибдаги меҳнат фаолиятини, кичик бизнес ва хусусий тадбиркорликни, касаначиликни ривожлантириш, бизнес лойиҳани яратишда нималарга эътибор қаратиш лозимлиги ҳақида тушунча берилди.

Танлов якунида 10 нафар қатнашчилар республика босқичи йўлланмасини қўлга киритди.