Об-ҳавонинг серёғин келиши ва табиат инжиқларига қарамасдан вилоятимиз кумуш тола ижодкорлари йилнинг қалдирғоч ҳосили бўлган пилла етиштириш бўйича шартномавий  топшириқни 2645 тонна ўрнига 2646,6 тоннага ёки 100,1 фоизга бажариб юқори кўрсаткичларга эришдилар.

Хусусан, Пастдарғом, Каттақўрғон, Нарпай, Булунғур, Иштихон туманлари пиллакорлари вилоятда биринчилардан бўлиб шартномавий режаларини бажариб юқори кўрсаткичларга эришдилар. Жумладан, Пастдағом туман пиллакорлари 243,8 тонна ўрнига 272,4 тонна пилла етиштириб, шартномавий режани 111,7 фоизга бажардилар.

Етиштирилган пилла хом-ашёси юқори навларга қабул қилиниб, вилоят бўйича ҳар бир қутидан ўртача 56-57 килограммдан ҳосил олинди.

Вилоят ҳокимлиги пилла етиштиришда ўз ҳиссасини қўшган барча фермер хўжаликларининг раҳбар-ходимларига, пиллачиларимизга ўзининг чуқур миннатдорчилигини билдиради.