Пахтачи тумани ғаллакорлари давлатга ғалла сотиш шартномавий режасини ортиғи билан бажариб, улкан зафарларга эришди.

Пахтачилик тажрибали бобо деҳқонлар 2019 йил ҳосили учун 6254 гектар суғориладиган майдонда туманнинг тупроқ ва иқлим шароитига мос келадиган буғдойнинг эртапишар, серҳосил навларини экиб, режадаги 18 минг 480 тонна ўрнига 18 минг 507 тонна дон топширишди. Ҳали 40 фоиздан ортиқ ўрилмаган ғалла майдонлари мавжуд бўлиб, ғалла ўрим ишлари давом этмоқда. Бу эса ғалламизни жуда баракали келганлигидан далолат беради. Деҳқонларимиз бой бўлсин!

Вилоят ҳокимлиги ғалла етиштиришда ўз ҳиссасини қўшган Пахтачилик барча фермер хўжаликлари раҳбар-ходимларига, ғаллакорларимизга ўзининг чуқур миннатдорчилигини билдиради.