Ургут туманидаги “Жартепа” ўтказиш пунктида давлатимиз раҳбарининг Тожикистоннинг Суғд вилоятига совғаси – Самарқанд автомобил заводида ишлаб чиқарилган автобус топшириш маросими бўлиб ўтди. 

Самарқанд ва Суғд вилоятлари ҳокимликлари вакиллари иштирок этган тадбирда икки халқ ўртасидаги дўстона муносабатлар мустаҳкамланиб бораётгани эътироф этилди.

- Дўстлик ришталарининг мустаҳкамланаётганидан хурсандмиз, - дейди янги уловнинг тожикистонлик ҳайдовчиси Мўйдинжон Ёрматов. - Автобуснинг техник имкониятлари, шинам ва қулайлиги бизга жуда маъқул бўлди.

Ўзбекистон Президентининг совғаси учун катта раҳмат!

Лутфулла Шомуродов.