Вилоят ҳокимлигида жорий йил жаҳон, Осиё ва мамлакатимиз миқёсида ўтказилган спорт мусобақалари, халқаро турнирларда ғолиб бўлган спортчилар ва уларнинг мураббийларини тақдирлаш маросими бўлиб ўтди.

Тадбирда сўз олганлар вилоятимиз вакилларининг дунё спорт ареналарида Ўзбекистон байроғининг баланд кўтариши миллионлаб юртдошларимиз қалбини чексиз фахрга тўлдириши, яратилган шарт-шароитлар эса спортчиларимизни бунданда юқори зафар марраларини эгаллашлари учун етарли эканлигини таъкидлаб ўтишди.
Спортчилар ва мураббийларга вилоят ҳокимлигининг фахрий ёрлиғи, ташаккурномаси ва эсдалик совғалари топширилди. 
Шунингдек, маросимда Урганч шаҳрида талабалар ўртасида илк маротаба ўтказилган математика фани бўйича Муҳаммад ал-Хоразмий номидаги халқаро олимпиаданинг олтин медали соҳиби, Самарқанд Давлат университети механика-математика факультети талабаси Ғайрат Тошпўлатов вилоят ҳокимлигининг ташаккурномаси ва эсдалик совғаси билан тақдирланди.

Ҳокимлик ахборот хизмати.