Самарқанд олимпия захиралари тайёрлаш марказида спорт рақси бўйича Самарқанд очиқ кубоги мусобақалари бўлиб ўтди.

Ўзбекистон Республикаси Маданият ва спорт ишлари вазирлиги, Ўзбекистон спорт рақси федерацияси, Самарқанд вилояти ҳокимлиги томонидан ташкил этилган мусобақада Қорақалпоғистон Республикаси, вилоятлар ва Тошкент шаҳри, шунингдек, Қозоғистон Республикасидан келган 200 нафардан зиёд спортчи ўзаро баҳслашди.

Икки кун давом этган мусобақада иштирокчилар тўрт йўналишда ўз маҳоратини намойиш этди. Барча йўналишлар бўйича энг юқори натижа қайд этган спортчилар аниқланиб, муносиб рағбатлантирилди.

Мусобақа иштирокчилари Самарқанд шаҳрининг тарихий обидалари ва спорт мажмуаларига саёҳат қилди.

Ғ.Ҳасанов