Самарқанд вилояти ҳокимлиги w w w . s a m a r k a n d . u z

Шавкат Мирзиёев: Одамлар замонавий шароитга эга уйларда яшаши керак

Шавкат Мирзиёев: Одамлар замонавий шароитга эга уйларда яшаши керак

Давлатимиз раҳбари Шавкат Мирзиёев Самарқанд шаҳри Қорасув массивида қурилаётган замонавий аҳоли массивини бориб кўрди.

eecfc5f0-cba2-15aa-ca81-0a08eb12f685.jpg
Президентимиз мамлакатимиз ҳудудларига ташрифлари чоғида энг муҳим ижтимоий-иқтисодий масалалар қатори аҳоли учун қулай яшаш шароити яратишга алоҳида эътибор қаратади. Самарқанд вилоятида ҳам кейинги йилларда бу борада салмоқли ишлар қилинмоқда.
Жумладан, Самарқанд шаҳри аҳолисининг уй-жойга эҳтиёжи юқорилигини инобатга олиб, 2018 йилги дастурга қўшимча равишда кўп қаватли арзон уйлар қуриш киритилган эди. Шунга мувофиқ, Самарқанд тумани Қорасув массивидан Самарқанд шаҳри учун 50 гектарга яқин ер ажратилиб, кенг кўламли бунёдкорлик-ободонлаштириш ишлари амалга оширилди. 
2018 йилнинг ўзида “Ўзшаҳарқурилишинвест” инжиниринг компанияси буюртмаси асосида жами 1 минг 344 хонадондан иборат 32 та 7 қаватли кўп қаватли арзон уй барпо этилди. Бундан ташқари, “Қишлоқ қурилиш инвест” инжиниринг компанияси томонидан Мудофаа, Ички ишлар, Фавқулодда вазиятлар вазирликлари, Миллий гвардия хизматчилари ва ёш оилаларга мўлжалланган 5 қаватли 12 та турар жой қуриб, фойдаланишга топширилди. 
Шу билан бирга, ҳудудда хусусий боғча, шаҳар ички ишлар бўлими, савдо ва маиший хизмат мажмуаси, “Регистон” супермаркети қуриб битказилди. 540 ўринли умумтаълим мактаби қурилиши якунланмоқда. 
Шу тариқа бу ерда қисқа фурсатда замонавий аҳоли массиви қад ростлади. Янги уйларда одамларнинг ҳаётдан рози бўлиб яшаши учун барча қулайликлар эътиборга олинган. Ҳар бир хонадон индивидуал иситиш қозонлари билан таъминланган. Уйлар олдида болалар ўйин майдончалари барпо этилган.
Давлатимиз раҳбари Жасур Турсунқулов ва Жамшид Каттақуловлар оилалари кўчиб кирган янги хонадонларни кириб кўрди, уй соҳиблари билан суҳбатлашди. Аҳолини арзон уй-жой билан таъминлашга эътибор бундан кейин ҳам кучайтирилишини таъкидлади.
Шу ерда Қорасув массивида 2019 йилда фойдаланишга топшириладиган уйлар лойиҳалари, жумладан, “Агромир билдингс” компанияси томонидан Туркиянинг замонавий технологияси асосида монолит усулида барпо этилаётган кўп қаватли турар жойлар тақдимотлари ўтказилди. Мазкур уйларнинг афзаллиги тез ва сифатли барпо этилади. Масалан, 16 қаватли уйни бир ойда қуриб битириш мумкин, зилзилабардошлиги ҳам юқори.
Жорий йилда “Ўзшаҳарқурилишинвест” инжиниринг компанияси томонидан янги массивда 7 қаватли 12 та, “Қишлоқ қурилиш инвест” инжиниринг компанияси буюртмасига мувофиқ 7 та уй қурилиши жадал олиб борилмоқда. 
Президентимиз ушбу уйларни тез муддатда қуриб битириб, одамларни ўргатиш кераклигини таъкидлади.
– Самарқанд туризм маркази бўлиши керак. Шунинг учун бу ерда кўп қаватли уйлар қурилишини кўпайтирамиз. Шаҳар марказида энг замонавий талабларга жавоб берадиган уйлар қурилиб, аҳолини таъминлаймиз. Уйлар билан бирга муҳандислик тизимлари, инфратузилмалар ҳам ривожлантирилади. Уйларни қуришдан олдин унинг эгаси, қайси қаватда, неча хонали уйда яшашигача аниқ бўлиши лозим, – деди давлатимиз раҳбари.
Самарқанд сейсмик жиҳатдан ҳам қулай ҳудудда жойлашгани боис келажакда вилоятнинг Каттақўрғон, Ургут, Пахтачи, Нарпай, Қўшработ туманлари марказларида ҳам кўп қаватли уйлар қурилиши зарурлиги таъкидланди.
ecf18c30-f1e6-6956-d4a0-908a4ba639c6.jpg
166e8ef8-bc31-9da9-5bbb-00edaf1e5460.jpg
89c24db1-12dc-5d74-63e9-6df459819f3e.jpg
e3e24934-0c6a-1e03-5d85-7b48f32f2447.jpg
2fc223df-12cf-bf36-fed2-8d8c897fa3e5.jpg
Ўза

Охирги ўзгариш: 11/01/2019 14:53.   Кўрилганлиги: 126
 
Материал манзили: https://samarkand.uz/press/news/shavkat-mirziyoev-odamlar-zamonaviy-sharoitga-ega-uylarda-yashashi-kerak

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 14

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг