Самарқанд вилояти ҳокимлиги w w w . s a m a r k a n d . u z

“ШАРҚ ТАРОНАЛАРИ” ХАЛҚАРО МУСИҚА АНЖУМАНИ ҲИНД МАТБУОТИ САҲИФАЛАРИДА

“ШАРҚ ТАРОНАЛАРИ” ХАЛҚАРО МУСИҚА АНЖУМАНИ ҲИНД МАТБУОТИ САҲИФАЛАРИДА

Ҳиндистонда нашр этиладиган “NRI Achievers” журнали веб-саҳифасида Самарқандда бўлиб ўтадиган “Шарқ тароналари” X халқаро мусиқа фестивалига бағишланган мақола эълон қилинди.

Унда мазкур кенг қамровли халқаро маданий анжуманнинг ўтказилишидан кўзланган асосий мақсад миллий мусиқа санъатида эришилган муваффақиятларни кенг миқёсда оммалаштириш, халқнинг улуғ анъаналарини авайлаб асраш ва ривожлантириш, мусиқа ҳамда вокал йўналишида ижод қиладиган истеъдод эгаларини рағбатлантириш, шунингдек, халқаро ижодий алоқаларни янада кенгайтириш, маданий-маънавий ҳамкорликни мустаҳкамлаш, тинчлик ва дўстлик ғояларини мадҳ қилиш билан изоҳланиши қайд этилади.

Ҳинд нашрининг ёзишича, ушбу халқаро анжуман жаҳон мусиқа форумлари қаторидан муносиб ўрин эгаллаган. Ушбу тадбирнинг ЮНЕСКО шафелигида ўтказилаётгани ҳамда хорижий мамлакатлар, халқаро ташкилотлар ва машҳур санъат арбоблари томонидан мазкур маданий анжуманга нисбатан қизиқишнинг тобора ортиб бораётгани юқорида билдирилган фикрни яққол тасдиқлайди.  

Мақолада Самарқанд мусиқа фестивали иштирокчиларининг сони ва жуғрофияси ҳам тобора кенгайиб бораётганига алоҳида эътибор қаратилган.

Шунингдек, ҳозирги пайтда меҳмонларни кутиб олиш ва концерт дастурларини юқори даражада ташкиллаштиришга қизғин ҳозирлик кўрилаётгани ҳақида атрофлича фикр юритилган. “Форумнинг мазмунли ўтказилишини таъминлаш мақсадида Тошкент ва Самарқанд шаҳарлари бўйлаб диққатга сазовор масканлар, таълим муассасалари, миллий ҳунармандчилик, тасвирий ва халқ амалий санъати кўргазмалари билан танишиш, ижодий учрашувлар ҳамда маҳорат дарсларини ўтказиш ҳам режалаштирилган”, деб ёзади “NRI Achievers” журнали.

«Жаҳон» АА, Деҳли


Охирги ўзгариш: 25/06/2015 19:21.   Кўрилганлиги: 546
 
Материал манзили: https://samarkand.uz/press/news/sharq-taronalari-xalqaro-musiqa-anjumani-hind-matbuoti-sahifalarida

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 3

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг