Самарқанд вилояти ҳокимлиги w w w . s a m a r k a n d . u z

ШАҲАРСОЗЛИК КЕНГАШИ ҲАФТАДА ИККИ МАРОТАБА ЙИҒИЛАДИ

ШАҲАРСОЗЛИК КЕНГАШИ ҲАФТАДА ИККИ МАРОТАБА ЙИҒИЛАДИ

Вилоят ҳокимлигида Ўзбекистон Республикаси Президенти Админстрациясининг 2019 йил 6 февралдаги топшириқлари ижросини таъминлаш мақсадида кенгайтирилган муҳокама ўтказилди.

Бош прокуратура томонидан Вазирлар Маҳкамаси, Қурилиш, Маданият вазирликлари ва вилоят ҳокимлиги билан биргаликда Самарқанд шаҳрининг тарихий марказида янги қурилган бино-иншоотлар хатлови натижасида шаҳарсозлик нормаларига тўлиқ риоя этилмасдан ноқонуний қурилган 159 та объект ҳолати муҳокама этилди. Муҳокамада қонунбузилиши ҳолатларини бартараф этиш бўйича “Йўл харитаси”ни тузиш ҳамда вилоят ҳокимлигида штаб ташкил этиш белгиланди.

Шунингдек, вилоят ҳокимлиги томонидан вилоятда қурилиш-бунёдкорлик ишларини қонун талаблари асосида олиб борилишини таъминлаш, ноқонуний қурилишларнинг олдини олиш мақсадида бундан буён ҳафтада икки маротаба сешанба ва жума кунлари шаҳарсозлик кенгашининг мажлисини ўтказишга қарор қилинди.

Кенгаш мажлисларида ер ажратиш, қурилишга рухсат бериш ва бошқа масалалар мутасаддилар иштирокида атрофлича муҳокама этилиб, тадбиркорларга амалий ёрдам кўрсатиш белгиланди.

Шу билан бир қаторда вилоятда олиб бориладиган қурилиш-тиклаш ишлари ҳақида маълумот бериб борувчи веб-сайтни яратиш ишлари ҳам бошлаб юборилди.


Киритилган вақти: 18/02/2019 12:46.   Кўрилганлиги: 714
 
Материал манзили: https://samarkand.uz/press/news/shaharsozlik-kengashi-haftada-ikki-marotaba-yigiladi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 2

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.