Вилоят ҳокими З.Мирзаевнинг навбатдаги сайёр қабули Нарпай туманида бўлиб ўтди.

Ҳокимнинг Нарпай туманида ўтказган аввалги қабуллари натижаси ҳақида эшитган фуқаролар бу очиқ мулоқотга иштиёқ билан келдилар. Бу галги кўчма қабул давомида 30 дан зиёд мурожаатлар тингланди. Уларда турли муаммолар кўтарилиб, кенг қамровли саволлар ўртага ташланди. 22 та масала бўйича зарур чора-тадбирлар режаси ишлаб чиқилиб, соҳа ходимларига аниқ вазифалар топширилди.

Шунингдек, айрим саволлар бўйича шу ернинг ўзида зарур тушунча ва тавсиялар берилди.

Вилоят ҳокими ва ҳоким ўринбосарлари томонидан 2014 йил давомида туман ва шаҳарларда 37 марта қабул уюштирилган бўлса, 2015 йилда фуқароларнинг бевосита мулоқоти 94 марта бўлиб ўтди.