Самарқанд шаҳридаги ёшлар марказида “Муваффақиятга эришиш сирлари” мавзусида давра суҳбати ўтказилди.

 Ёшлар куни муносабати билан ташкил этилган тадбирда вилоятнинг барча шаҳар ва туманларидан келган фаол қизлар иштирок этди.

Самарқанд вилоят хотин-қизлар қўмитаси томонидан фаол қизлар билан ўтказилган суҳбат давомида муваффақиятларга эришиш учун нималарга эътибор қаратиш лозимлиги, юртимизда яратилаётган имкониятлардан унумли фойдаланиш муҳим аҳамиятга эга эканлиги ҳақида сўз юритилди.

Тадбир доирасида “Энг фаол бошланғич ташкилот” кўрик-танловининг вилоят босқичи ғолиблари тақдирланди.