Самарқанд вилояти ҳокимлиги w w w . s a m a r k a n d . u z

Самарқанддаги тиббиёт муассасасида тиббий кислород ишлаб чиқариш мини заводи иш бошлади

Самарқанддаги тиббиёт муассасасида тиббий кислород ишлаб чиқариш мини заводи иш бошлади

Самарқанд вилоят перинатал марказида тиббий кислород ишлаб чиқариш мини заводи ва эндогинекология ўқув маркази ташкил этилганлиги муносабат билан тадбир ўтказилди.


Тадбирда Ўзбекистон Республикаси Соғлиқни сақлаш вазири ўринбосари Элмира Боситхонова, Германия халқаро ҳамкорлик ташкилоти бошқаруви раиси Таня Гённер, Германия Федератив Республикасининг Ўзбекистондаги фавқулодда ва мухтор элчиси Нейтҳарт Ҳёфер ва бошқалар сўзга чиқиб, икки давлат ўртасида дўстона ҳамкорлик алоқалари доирасида амалга оширилаётган ислоҳотларга алоҳида эътибор қаратишди. Айниқса, тиббиёт соҳасида олиб борилаётган ҳамкорлик ижобий натижалар бераётганлиги эътироф этилди. Ҳамкорлик доирасида вилоят перинатал марказида амалга оширилган ишлар бунинг ёрқин исботи эканлиги таъкидланди.

— Марказимизда беморларга бир йиллик дори-дармон учун 300 миллион сўм маблағ ажратилади, — дейди вилоят перинатал маркази раҳбари Б. Жуманов. — Шундан тиббий кислородга бўлган эҳтиёжни қондириш ва уни ташиб келиш учун 160 миллион сўм маблағ сарфланади. Зарур дори-дармон учун 140 миллион сўм маблағ қоларди, холос. Бу бир йилда ўртача 7000 та туғруқ кузатиладиган марказда бир мунча қийинчиликларни туғдирарди. Тиббий кислород ишлаб чиқариш мини заводининг ишга тушиши ҳар бир туғруқ учун ўртача 43 минг сўмдан дори-дармонга маблағ ажратиш имконини беради.  

Мазкур ишлаб чиқариш генераторининг умумий қиймати 90 минг еврога тенг бўлиб, ускуна Белгияда ишлаб чиқарилган. Ўрта Осиёда ягона бўлган мазкур кислород ишлаб чиқариш мини заводи Ўзбекистон Республикаси Соғлиқни сақлаш вазирлиги ташаббуси билан Германия халқаро ҳамкорлик ташкилоти кўмагида ташкил этилди.


Шунингдек, марказда ташкиллаштирилган эндогинекология ўқув маркази Германия халқаро ҳамкорлик ташкилоти кўмагида сотиб олинган иккита «KARL STORZ» лапроскопик тренажёрлари ва замонавий жиҳозлар билан таъминланди. Бу эса соҳа ходимларининг эндовизуал соҳасидаги малакасини оширишга хизмат қилади. 



Киритилган вақти: 20/06/2017 14:13.   Кўрилганлиги: 365
 
Материал манзили: https://samarkand.uz/press/news/samarqanddagi-tibbiyot-muassasasida-tibbiy-kislorod-ishlab-chiqarish-mini-zavodi-ish-boshladi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 12

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг