Самарқанд шаҳридаги ёшлар марказида тиббий-ижтимоий кўмакка муҳтож фуқароларни қўллаб-қувватлаш, кўнгиллиларни қон топширишга чақириш орқали беморларнинг ҳаётини сақлаб қолиш,

жамиятда инсонпарварлик ва меҳр-оқибат ғояларини кенг тарғиб қилишни ўзида мужассам этган “Яхшилик албатта қайтади” шиори остида оммавий акция ташкил этилди.

“Ёшлар ойлиги” доирасида ташкил этилган акция гематологик касалликлар билан оғриган беморларга оз бўлса-да, ёрдам бериш мақсадида амалга оширилди. Акцияда юздан ортиқ кўнгилли ёшлар иштирок этиб, донор сифатида ихтиёрий равишда қон беришди.

Бундай акция вилоятимизнинг бошқа ҳудудларида ҳам ўтказилиши кўзда тутилган.