Самарқанд вилояти ҳокимлиги w w w . s a m a r k a n d . u z

Самарқандда Туркманистон кинолари намойиш этилмоқда

Самарқандда Туркманистон кинолари намойиш этилмоқда

Самарқанд вилоятида “Туркманистон киноси кунлари” маърифий-маданий тадбирлар бўлиб ўтмоқда.

Президентимизнинг 2017 йил 28 мартдаги “Ўзбекистон Республикаси Президентининг Туркманистон Республикасига давлат ташрифи мобайнида эришилган келишувларни амалга ошириш тўғрисида”ги фармойиши, шунингдек, Ўзбекистон ва Туркманистон ўртасида 2017-2019 йилларга мўлжалланган маданий-гуманитар соҳалардаги режаларга асосан ташкил этилган мазкур тадбир икки кун давом этади.

Туркманистонлик киноижодкорлардан иборат делегация аъзолари дастлаб Самарқанд шаҳридаги қадимий қадамжолар ва диққатга сазовор жойларда бўлишди.

– Икки давлат ўртасидаги дўстлик ва маданий ҳамкорлик алоқалари йилдан-йилга мустаҳкамланиб бормоқда, – дейди Туркманистон телевидение, радиоэшиттириш ва кинематография давлат қўмитасининг кино ишлаб чиқариш бош координатори, кино ва театр актёри Т.Оллояров. – Ўзбек-туркман халқлари ўзаро асрий урф-одатлари ҳамда орзу-умидларининг муштарак экани билан ҳам бир-бирига жуда яқин. Келгусида қадриятларимиз ва одатларимиз умумлашган киноларни ҳамкорликда тайёрлаш ниятимиз бор.  

Тадбир доирасида “Республика кинопрокат маркази” давлат унитар корхонаси Самарқанд вилоят филиалида туркман киноижодкорлари томонидан тайёрланган туркман шоири ва мутафаккири Махтумқули ҳаётига оид “Махтумқули” номли бадиий фильми намойиш этилди.

Тадбирда Самарқанд вилояти ҳокимининг ўринбосари Р.Қобилов иштирок этди.

Манба: zarnews


Охирги ўзгариш: 13/12/2018 21:25.   Кўрилганлиги: 661
 
Материал манзили: https://samarkand.uz/press/news/samarqandda-turkmaniston-kinolari-namoyish-etilmoqda

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 9

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.