Тадбиркорлик субъектлари томонидан ишчи-ходимлар сонининг яширилиши солиқлардан қочишга, бу эса ўз навбатида, хуфёна иқтисодиётнинг илдиз отишига замин яратади.

Самарқанд вилоятида ишчи-ходимларни легаллаштириш масаласига алоҳида эътибор қаратилмоқда.

“Бугунги кунгача вилоят бўйича 56 минг 401 нафар ишчи-ходим легаллаштирилди, — дейди Самарқанд вилояти давлат солиқ бошқармаси Камерал назорат бўлими бошлиғи Хайрулла Азимов. — Шундан 3 568 нафари савдо ва умумий овқатланиш, 30 537 нафари ишлаб чиқариш ва хизмат кўрсатиш, 3 263 нафари қурилиш, 19 033 нафари қишлоқ хўжалиги корхоналари томонидан расмийлаштирилди”.

Жорий йилда Самарқанд вилоятида жами 70 минг нафар ишчи-ходимни легаллаштириш режалаштирилган.