Самарқанд темир йўл вокзалида “Ўзбеккино” миллий агентлиги ҳамда вилоят ҳокимлиги ташаббуси билан ташкил этилган фестиваль иштирокчилари – таниқли кино ва театр актёрлари, режиссёр ва санъатшунослар тантанали кутиб олинди.

Меҳмонлар Ургут туманининг Мирзабоғлон-Чеп маҳалла фуқаролар йиғинида ўтказилган Наврўз байрами тадбирларида иштирок этишди. Олий ўқув юртлари, туман ва шаҳарлардаги маҳаллаларда ижодий учрашувлар, давра суҳбатларида қатнашдилар. “Ер тафти”, “Кузда гуллаган дарахт”, “Бахт ортидан”, “Сотқин” каби ўнга яқин миллий кинофильмлар томошабинлар ҳукмига ҳавола этилди.

Фестиваль вилоятимизнинг бир қатор шаҳар ва қишлоқларида давом этмоқда.