Нарпай туманида 16 турдаги давлат хизматларини кўрсатувчи “Ягона дарча” маркази фаолият бошлагач, тадбиркорлик билан шуғулланувчилар сони уч баробарга ортди.

* * *

Самарқанд туманида туман ҳокимлиги, прокуратура ҳамда вояга етмаганлар ишлари бўйича комиссия ташаббуси билан мактабларнинг 9-синф ўқувчилари ва коллеж битирувчилари учун ишлаб чиқариш ва хизмат кўрсатиш корхоналарида “Битирувчи-2016” кўргазмали амалий машғулотлари ташкил этилди.

* * *

Булунғур туманида “Соғлом она ва бола йили” Давлат дастури ижросини таъминлашга қаратилган “Дунё – болалар нигоҳида” шиори остида расмлар кўрик-танлови ўтказилди.

* * *

Ургут туманидаги Ўрамас қишлоқ фуқаролар йиғинида чорвачиликни ривожлантириш, жойларда ветеринария хизматлари сифатини оширишга бағишланган семинар бўлиб ўтди ва Ипакли маҳалласида замонавий зооветеринария пункти биноси фойдаланишга топширилди.

* * *

Тайлоқ туманидаги Шопўлат қишлоғида пишиқ ғишт ишлаб чиқаришга ихтисослашган “Диёржон-Динора сервис” хусусий корхонаси иш бошлади.

* * *

16 июнь куни Каттақўрғон шаҳри ва Пайариқ туманида ёш оилалар учун бунёд этилган “Камолот” уйлари фойдаланишга топширилади.