Каттақўрғон туманида жорий йилда жами 10 гектарлик 6 та сунъий ҳавзаларда балиқ етиштириш йўлга қўйилди. Жумладан, тумандаги “Чиғатой Сайхуни” ва “Очилов Шохруҳ Мирзо” фермер хўжаликлари томонидан 2 гектардан сунъий ҳавзаларда балиқ етиштириш лойиҳаси амалга оширилди. 

***

2015 йилнинг 1 август ҳолатига кўра, вилоят ўрта махсус касб-ҳунар таълими бошқармасига тегишли тўртта объект фойдаланишга топширилди, 12 та таълим муассасаларида қурилиш ва таъмирлаш ишлари ниҳоясига етказилмоқда.

***

Андижон шаҳрида триатлон бўйича катталар, ёшлар, ўсмирлар ва хотин қизлар ўртасида ўтказилган Ўзбекистон кубоги мусобақаларининг финал босқичида Самарқанд вилояти триатлончилари энг кўп очко жамғариб, биринчи ўринни эгаллашди.

***

Самарқанддаги Пушкин номли вилоят ахборот-кутубхонаси ўз фойдаланувчиларига libsamarkand.uz сайтининг янгиланган ва мобиль версиясини тақдим этди. Янги ўқув йили бошида ахборот-кутубхона маркази фойдаланувчиларга қулайлик яратиш мақсадида каталог тизимини биринчи қаватга кўчиради.

Зилола Омонова тайёрлади