Китоб – бу маънавий бойлик. Ундан нафақат бугунги кун талабалари, балки келажак авлод фойдаланиши мумкин. 23 апрель - Халқаро китоб ва муаллифлик ҳуқуқини ҳимоя қилиш куни ЮНЕСКОнинг 1995 йил 28-конференциясида эълон қилинган.

Ушбу сана муносабати билан ҳамда талабаларнинг китобга бўлган муҳаббатини янада ошириш мақсадида Самарқанд давлат чет тиллар институтида бир марталик “Меҳр билан” китоб туҳфаси акцияси ўтказилди.

Акцияда институтнинг барча профессор-ўқитувчилари, талабалар ҳамда “Китоб олами” ва “Шарқ зиёкори” китоб дўконлари иштирок этишди.