САМАРҚАНД ДАЛАЛАРИДА ЧИГИТ ЭКИШ ИШЛАРИ БОШЛАНДИ

Ўзб Рус Eng

Самарқанд вилояти ҳокимлиги
расмий веб-сайти

Самарқанд вилояти ҳокимлиги w w w . s a m a r k a n d . u z

Чоп этиш

САМАРҚАНД ДАЛАЛАРИДА ЧИГИТ ЭКИШ ИШЛАРИ БОШЛАНДИ

Қадим-қадимдан деҳқонларимиз баҳорда дастлабки дала ишларини бошлашлари билан боғлиқ турли маросимлар ташкил қилинган. Худди шу ҳолатлар билан боғлиқ ҳолда “қўш қўшиш”, “қўш оши”, “биринчи чигит”, “экиш сайли” каби кўплаб удумлар вужудга келган.

Март ойининг бошланиши биланоқ катта ҳаёт тажрибасига эга бўлган қариялар янги мавсум режаларини кенгашганлар, намгарчиликка, об-ҳавога қараб, қайси ерларга қандай экин экиш, сувни қандай бўлиш ва уни тежаб-тергаб тақсимлаш, қайси кундан бошлаб ерни ҳайдаш, чигит қадаш, от-улов, омочларни ер ҳайдашга ҳозирлаш каби кўплаб масалалар хусусида маслаҳатлашиб олганлар. Бу каби эзгу анъаналаримиз бугунги кунда ҳам давом этиб келмоқда.

Нуробод туманидаги Оқтоғ ва ҳазрати Довуд тоғлари ўртасидаги дарада жойлашган Ҳазрати Довуд зиёратгоҳида экиш ишлари олдидан эҳсон ташкил қилиниб, нуронийлар эл ризқи тўкин бўлиши ҳамда деҳқончиликка барака сўраб дуо қилдилар.