– Ўзбекистон Республикаси Қуролли Кучлари ташкил этилганлигининг 27 йиллиги ҳамда Ватан ҳимоячилари кунини бу гал фақат ушбу сана арафасида эмас, 2018 йил 15 декабрдан 2019 йил 15 январгача ўтказиладиган “Ватанпарварлик ойлиги” давомида нишонлаймиз.

Тадбирларни ҳам ҳарбий хизматчилар учун ёки уларнинг иштирокида ўтказиш билан чекланмай, ҳар бир маҳалла, таълим муассасаси, корхона ва ташкилотда ташкил этишимиз зарур. Токи ватанпарварлик ойлигини юртимиздаги ҳар бир оила, ҳар бир инсон ҳис этсин. Бу билан халқимиз, айниқса, ёшларда миллий армиямиз, унинг куч-қудрати ҳақида тушунча ҳосил қилинади. Ватаннинг муқаддаслиги, уни ҳимоя қилиш шарафли бурч эканлиги тарғиб этилади.

Манба zarnews.uz