Самарқанд вилояти ҳокимлиги w w w . s a m a r k a n d . u z

Ривожланиш учун энг катта тўсиқ

Ривожланиш учун энг катта тўсиқ

Самарқанд шаҳрида коррупция ҳолатларининг олдини олиш бўйича фуқаролар хабардорлиги ва ҳуқуқий онгини ошириш масалаларига бағишланган семинар-тренинг бўлиб ўтди. Ўзбекистон Мустаіил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фондиҳамда Журналистларни қайта тайёрлаш маркази ҳамкорлигида ташкил этилган тадбирда вилоят оммавий ахборот воситалари ҳамда нодавлат нотижорат ташкилоти вакиллари иштирок этди.

 Семинар аввалида иштирокчиларга вилоят прокуратура ҳамда адлия ходимлари томонидан коррупция турлари ва қонунчилик меъёрлари, коррупция ҳолатларига қарши курашишга доир амалий усуллар, коррупциянинг фуқароларга иқтисодий зарари каби мавзуларда маълумот берилди.

Шунингдек, мазкур иллатга қарши курашда муҳим омил бўлган жамоатчилик назоратини амалга оширишда ОАВ ва ННТ ҳамда давлат органлари вакиллари ўртасида ижтимоий шерикликни ўрнатиш масалалари амалий машғулотлар орқали тушунтирилди.

– Глобал муаммолардан бири саналган коррупция фуқароларнинг ижтимоий адолатга нисбатан ишончини кескин пасайтиради, – дейди «Халқ сўзи» газетасининг бўлим бошлиғи Қ.Хидиров. – Мазкур муаммога қарши қатор халқаро ҳужжатлар кучга кирган, ўз навбатида улар мамлакатимизда ҳам ратификация қилинган.

 

Шунингдек, ҳукуматимизнинг бу борада қатор меёърий ҳужжатлари амалда. Коррупциянинг олдини олишда жамоат ташкилотлари билан бир қаторда оммавий ахборот воситаларининг ҳам алоҳида ўрни мавжуд. Бу эса уларнинг ҳуқуқий мавзуни ёритишда қонунчиликдан хабардорлик, ҳуқуқий терминларни ўз ўрнида ишлатиш, коррупциянинг фожиали оқибатлари ҳақида таъсирчан материаллар тайёрлаш каби кўникмаларни шакллантиришни тақозо қилади.


Киритилган вақти: 11/11/2016 17:05.   Кўрилганлиги: 496
 
Материал манзили: https://samarkand.uz/press/news/rivojlanish

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 8

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг