Самарқанд вилояти ҳокимлиги w w w . s a m a r k a n d . u z

РАМАЗОН ҲАЙИТИ КЕНГ НИШОНЛАНМОҚДА

РАМАЗОН ҲАЙИТИ КЕНГ НИШОНЛАНМОҚДА

Эзгулик, меҳр-шафқат айёми – муборак Рамазон ҳайити Самарқанд вилоятида кенг нишонланмоқда.

Бугун эрта тонгда вилоятнинг 274 жомеъ масжидида Ҳайит намози ўқилди. Бунинг учун барча зарур шарт-шароит яратилди.

Байрам арафасида кўчалар, маҳалла гузарлари, зиёратгоҳлар, қабристон ва масжидлар, тарихий обидаларда ободонлаштириш ишлари амалга оширилди. Ҳомийлар ва саховатпеша инсонлар томонидан кам таъминланган оилалар, боқувчисини йўқотган фуқаролар ҳамда кексаларнинг ҳолидан хабар олинди. Уларга моддий ва маънавий ёрдамлар кўрсатилди.

***

...Самарқанд шаҳридаги Ҳазрати Хизр масжид-мажмуаси. Марказий Осиёда энг қадимги масжид сифатида эътироф этиладиган мазкур мажмуада кейинги йилларда давлатимиз раҳбари ташаббуси билан кенг кўламда ободонлаштириш, бунёдкорлик ишлари амалга оширилди. Бу ердаги Ўзбекистон Республикасининг Биринчи Президенти Ислом Каримов қабри устида маҳобатли мақбара бунёд этилди. Ушбу қадамжо бугун нафақат юртдошларимиз, балки мамлакатимизга ташриф буюраётган хорижлик меҳмонлар учун ҳам муқаддас зиёратгоҳга айланди.

Рамазон ҳайити байрами муносабати билан мазкур мажмуа юртимизнинг барча ҳудудларидан келган мўмин-мусулмонлар билан тўлиб-тошди. Қалби эзгуликка тўла ватандошларимиз ибодат амалларини адо этди.

Ҳайит намозларида мўмин-мусулмонлар Яратгандан юртимиздаги тинчлик-осойишталик, тўкин-сочинлик ва фаровонлик бардавом бўлишини тилади.

Ҳайит намози адо этилгач, вилоят ва шаҳар жамоатчилиги вакиллари Ўзбекистон Республикасининг Биринчи Президенти Ислом Каримов қабрини зиёрат қилишди.

Чиндан ҳам, истиқлол йилларида юртимизда миллий-диний қадриятларимизни тиклаш ва ривожлантиришга қаратилаётган эътибор халқимиз ўртасида меҳр-оқибат, бағрикенглик ва ҳамжиҳатлик муҳитини янада мустаҳкамлашга хизмат қилмоқда. Айниқса, муқаддас қадамжолар ободонлаштирилиб, кўркам зиёратгоҳларга айлантирилаётгани, буюк аждодларимизнинг маънавий мероси кенг кўламда ўрганилаётгани ҳам ана шундай эзгу мақсадларни ўзида ифода этмоқда.

***

Ислом оламида алоҳида тилга олинадиган Пайариқ туманидаги Имом Бухорий мажмуасига Ҳайит намозини адо этиш ва байрамни кўтаринки кайфиятда нишонлаш мақсадида минглаб ватандошларимиз ташриф буюрдилар.

Нуронийлар дуога қўл очиб, юртимизга тинчлик-омонлик ва бунданда фаровонлик тилади.


Охирги ўзгариш: 17/06/2018 00:16.   Кўрилганлиги: 237
 
Материал манзили: https://samarkand.uz/press/news/ramazon-hayiti-keng-nishonlanmoqda

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 14

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг