Пахтачи тумани, Кештали маҳалласида 29-сонли давлат мактабгача таълим муассасаси фойдаланишга топширилди.

Шу мақсадда ташкил этилган тадбирда соҳа мутахассислари, туман ҳокимлиги ва жамоатчилиги ҳамда Кештали маҳалласи вакиллари иштирок этишди. Инвестиция дастури доирасида 1,8 млрд. сўм маблағ эвазига бунёд этилган мазкур муассасада энди 70 нафар кешталилик болажонлар таълим-тарбия оладиган бўлишди.

Тадбирда сўзга чиққанлар муассасада яратилган шарт-шароитлар, болажонлар келажагини ўйлаб амалга оширилаётган ушбу ишлар барча қишлоқ аҳлини қувонтирганлигини таъкидлашди.