Самарқанд вилояти ҳокимлиги w w w . s a m a r k a n d . u z

Пахта теримида маҳалла фаоллари

Пахта теримида маҳалла фаоллари

Пастдарғом туманининг «Зарафшон» муқобил машина трактор паркига қарашли хўжаликларда мавсум қизғин давом этмоқда.

Биз ҳудуддаги «Зарафшон дала шийпони» фермер хўжалиги пахта майдони бошидамиз. Олмазор маҳалласи аҳолисидан ташкил топган отряднинг 84 нафар теримчиси далада.

- Терим бошлангандан буён қизим билан биргаликда ҳашарга чиқяпмиз, - дейди Гулистон Қозоқова. – Кунига 200-220 килограмгача пахта теряпмиз. Нимаики зарур бўлса, барчаси дала бошида ҳозирланган. Терим пулини шу куннинг ўзида оляпмиз.

- Икки ҳафтадан буён теримда қатнашяпман, - дейди Насиба Ибрагимова. – Кунига ўртача 120 килограмм, айрим кунлари 150 килогача пахта теряпман. Кунлик терган пахтамиз пулини кечқуруннинг ўзида беришяпти. Ҳозиргача 1 миллион сўмдан ортиқроқ пул ишладим. Кеча рўзғор ташвишлари билан бўлиб, далага чиқолмагандим, маҳалламиздаги теримчилардан бир килограмм пахта учун 500 сўмдан ҳақ тўланаётганини эшитиб, бугун яна далага отландим.

Насиба опанинг айтганича бор. Теримчилар бир-биридан кўпроқ пахта териш учун бир дақиқани ҳам бекорга ўтказмасликка ҳаракат қилмоқда.

- Биринчи ўн кунликда 1 тонна 300 кило пахта тердим, - дейди Назира Холиқова. - Тўрт фарзандим вояга етиб, ўқиш ва ишли бўлган. Шундай бўлса-да, барча одамлар миллий бойлигимизни йиғиштириш билан банд бўлиб турганда мен ҳам хирмонга ҳисса қўшай, деб далага отландим. Терим пулини кунлик беришяпти. 100 килограмм ва ундан юқори пахта терганларга ёғ, совун ва бошқа хўжалик моллари қўшиб берилишини эшитиб, ғайратимиз ошди.

Ўктам ХУДОЙБЕРДИЕВ.


Киритилган вақти: 06/10/2017 16:24.   Кўрилганлиги: 337
 
Материал манзили: https://samarkand.uz/press/news/paxta-terimida-mahalla-faollari

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 2

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг