Тиббиёт ходимлари куни муносабати билан Паст Дарғом тумани тиббиёт бирлашмасининг 100 ўринли янги терапия мажмуаси фойдаланишга топширилди.

Республика инвестиция дастури асосида жорий йилнинг январь ойида бошланган қурилиш ишларига 3 миллиард 900 миллион сўм маблағ сарфланди. Уч қаватли бинода беморлар ва шифокорлар учун барча зарур шарт-шароит яратилган. Мажмуа 600 миллион сўмлик юмшоқ ва қаттиқ мебеллар билан таъминланди.

Янги бинода туман марказий шифохонасининг терапия, кардиология, неврология, эндокринология бўлимлари фаолият кўрсатади. Шунингдек, замонавий тиббий ускуналар билан жиҳозланган физиотерапия бўлими ташкил этилди.

Мажмуанинг очилиш маросимида вилоят ҳокими ўринбосари Р.Қобилов сўзга чиқиб, пастдарғомлик тиббиёт ходимларини янги бино ва касб байрами билан табриклади.

 Ҳокимлик ахборот хизмати.