Пахтачи туманидаги “Шарипова Умида” фермер хўжалиги даласида сув танқислигининг оқибатларини юмшатиш ва суғоришда тежамкор технологиялардан фойдаланишга бағишлганган кўргазмали семинар бўлиб ўтди.

Вилоят қишлоқ ва сув хўжалиги, “Зарафшон” ирригация тизимлари ҳавза бошқармалари раҳбарлари, туман ҳокимлиги ва мутасадди идоралар, деҳқон ва фермер хўжаликлари бошлиқлари, сувчилар иштирок этган тадбирда бундай усулда суғоришнинг афзалликлари ҳақида сўз юритилди.

- 38 гектар майдонда ғўза парваришлаяпмиз, - дейди “Шарипова Умида” фермер хўжалиги бошлиғи Эшниёз Ҳайдаров. – Ҳозирги сув танқислиги даврида ундан самарали фойдаланиш учун 6 гектар ғўза майдонида эгилувчан қувурлар ёрдамида суғоришни ташкил этдик. Бу усулда сув сарфи 20 фоизгача камаяди, ўқариқлар олинмайди. Асосийси, бир кеча-кундузда шунча майдонни суғориш мумкин.

Бундай эгилувчан қувурлардан 50 тўплам келтириб, тумандаги барча муқобил машина-трактор парклари орқали фермер хўжаликлари далаларида фойдаланиш режалаштирилган.

***

Шундай амалий семинарлар Пастдарғом, Иштихон ва Жомбой туманларида ҳам ўтказилди.

Иззатулла Норқувватов.