Ўзбекистон Республикаси ИИВ ёнғин хавфсизлиги бош бошқармаси бошлиғи С.Зуфаров, ИИВ ёнғин хавфсизлиги олий техник мактаби бошлиғи А.Қўлдошев, вилоят ИИБ бошлиғи А.Тошпўлатов ва туман ҳокими А.Баҳромов юртимизда ички ишлар ходимларининг хизмат фаолияти самарадорлигини ошириш мақсадида амалга оширилаётган ислоҳотлар ҳақида сўз юритдилар.

– Бўлимимиз шу вақтгача эски бинода фаолият олиб бораётганди, – дейди Каттақўрғон туман ИИБ ЁХБ бошлиғи Илҳом Омонов. – Бинода етарлича шароит йўқлиги хизмат фаолиятимизда бир мунча қийинчиликлар туғдирарди. Янги бинода барчаси ҳисобга олиниб, замонавий жиҳозланган. Ўт ўчирувчиларнинг хизмат фаолияти учун махсус шароитлар яратилган. Бу эса ёнғинларни бартараф этишдаги ҳаракатнинг тезкорлигини таъминлайди.

Тадбирда туман ёнғин хавфсизлик бўлимига махсус жиҳозланган янги ўт ўчириш автомашиналари топширилди.

Азим ҚОДИРОВ.