Вилоятимизнинг шаҳар ва туманларида «Самарқанд вилоятида ижтимоий-маънавий муҳитни соғломлаштириш, аҳоли ўртасида гиёҳвандликка қарши курашиш самарадорлигини ошириш» мавзусида тарғибот тадбирлари ташкил этилди.

Ҳуқуқ-тартибот органлари, «Маҳалла» хайрия жамоат фонди, Ўзбекистон Мусулмонлари идораси вилоят вакиллиги ва наркология диспансери мутахассислари ҳамкорлигида ташкил этилган тадбирларда жамиятимизга ёт бўлган иллатларнинг оқибатлари ҳақида маърузалар тингланди.

Унда сўз олганлар бугунги тинч-осойишта, фаровон кунларнинг қадрига етишни, бунинг учун ҳамиша сергак, огоҳ ва маънавий етук бўлиш зарурлигини таъкидладилар.

Тарғибот тадбирлари давомида иштирокчиларга Ўзбекистон Миллий телерадиокомпанияси томонидан суратга олинган «Зулматга йўл» ва «Эртанги кун бизники, марра бизники» номли видеофильмлар намойиш этилди.