Самарқанд вилояти ҳокимлиги w w w . s a m a r k a n d . u z

ЎРАЙ-ЭЛИПОК МАҲАЛЛАСИДАГИ ТАЯНЧ ПУНКТИ РЕСПУБЛИКАДА ҒОЛИБ БЎЛДИ

ЎРАЙ-ЭЛИПОК МАҲАЛЛАСИДАГИ ТАЯНЧ ПУНКТИ РЕСПУБЛИКАДА ҒОЛИБ БЎЛДИ

Тошкентда “Ички ишлар органларининг намунали таянч пунктлари” анъанавий кўрик-танловининг республика босқичи ғолиб ва совриндорларини тақдирлаш маросими ўтказилди.

Кўрик-танловда Тойлоқ туманидаги Ўрай-Элипок маҳалла фуқаролар йиғинида жойлашган 446-сонли таянч пункти 1-ўринни қўлга киритди ва “Нексия” автомобили билан тақдирланди.

– Маҳалламизда 4 мингга яқин аҳоли истиқомат қилади, – дейди 446-сонли таянч пункти профилактика катта инспектори Шавкат Хурсандов. – Профилактика куни жорий этилгани аҳоли билан яқин ҳамкорлик қилишимизда кенг имкониятлар яратди. Маҳалла фаоллари, бошқа масъул идоралар билан ҳамкорликда ҳудудда жиноятчилик ва ҳуқуқбузарликнинг олдини олиш бўйича олиб борилаётган профилактик тадбирлар ўз самарасини бермоқда. Ўтган йил ва жорий йилнинг шу даврига қадар маҳалламизда бирорта жиноят қайд этилмади.

Фаолиятимиз муносиб эътироф этилганидан хурсандман. Бу мукофот келгусида ҳам масъулият билан хизмат қилишга ундайди.

Танлов ғолибларини аниқлашда хизмат кўрсатиш ҳудудидаги вазият, таянч пункти атрофида зарур инфратузилманинг мавжудлиги, вояга етмаганлар билан ишлашнинг аҳволи, профилактика инспекторларининг ўз соҳалари бўйича эгаллаган билимлари эътиборга олинди.

 

“Зарафшон” газетасидан.


Охирги ўзгариш: 14/04/2018 17:52.   Кўрилганлиги: 127
 
Материал манзили: https://samarkand.uz/press/news/oray-elipok-mahallasidagi-tayanch-punkti-respublikada-golib-boldi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 14

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг