Самарқанд вилояти ҳокимлиги w w w . s a m a r k a n d . u z

ЎҚУВ КУРСИ ТИНГЛОВЧИЛАРИ ЭКСКУРСИЯГА ЧИҚДИ

ЎҚУВ КУРСИ ТИНГЛОВЧИЛАРИ ЭКСКУРСИЯГА ЧИҚДИ

Вилоят ҳокимлиги ҳузуридаги фуқароларнинг ўзини ўзи бошқариш органлари ходимларининг малакасини ошириш бўйича ўқув курси тингловчилари иштирокида кўчма машғулот ҳамда Самарқанд шаҳри бўйлаб экскурсия ташкил этилди.

Дастлаб тингловчилар Амир Темур маҳалла марказига ташриф буюриб, фуқаролар йиғини ҳаёти, масканда яратилган шарт-шароит, жамоатчилик кенгашлари фаолияти билан яқиндан танишдилар. Маҳалла фаоллари билан ўзаро тажриба алмашдилар.

- Фуқаролар йиғинлари ходимларининг касбий ва бошқарув малакаларини ошириш, фуқароларнинг ўзини ўзи бошқариш органларига тизимли методик ёрдам кўрсатишда мазкур ўқув курсларининг аҳамияти катта бўлмоқда, - дейди Пайариқ туманидаги “Ғойиб Ота” маҳалла фуқаролар йиғини раиси З.Ҳасанова. – Жумладан, бугунги кўчма машғулот ҳам 40 нафардан зиёд касбдошларимиз - оқсоқоллар, маҳалла маслаҳатчилари, масъул котиблар ва посбонлар кўникмаларининг янада шаклланишига хизмат қилди.

Амир Темур маҳалласида “Жамоатчилик назорати” гуруҳи, “Маҳалла маслаҳатхонаси» тузилмаси фаолиятининг йўлга қўйилгани эътиборимни тортди. Мазкур тажрибаларни, қолаверса, курс давомида ўрганганларимни фаолиятимда татбиқ этишни мақсад қилдим.

Машғулот давомида тингловчиларга Самарқанд шаҳридаги 8-умумтаълим мактаби ўқувчилари ҳамда 32-мактабгача таълим муассасаси тарбияланувчилари томонидан тайёрланган бадиий чиқишлар, саҳна кўринишлари намойиш этилди.

Маҳаллалар фаоллари шаҳардаги Амир Темур мақбараси, Йўлбарслар хиёбони, Регистон ҳамда Шоҳи Зинда мажмуаларини зиёрат қилдилар.

Абдуғофур Шерхолов


Киритилган вақти: 11/04/2016 18:10.   Кўрилганлиги: 551
 
Материал манзили: https://samarkand.uz/press/news/oquv-kursi-tinglovchilari-ekskursiyaga-chiqdi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 1

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг