Ўзбекистон Мусулмонлари идораси вилоят вакиллигида умра сафарига отланган бир гуруҳ юртдошларимизни кузатиш маросими бўлиб ўтди.

Вилоят ҳокимлиги ҳамда жамоатчилик вакиллари иштирок этган тадбирда юртимизда эътиқод эркинлиги, диний бағрикенгликни таъминлаш борасида олиб борилаётган ишлар, унинг моҳияти хусусида сўз юритилди.

Хусусан, ҳар йили минглаб юртдошларимизга ҳаж ва умра зиёратларини адо этишлари учун зарур шарт-шароит яратиб берилаётганлиги таъкидланди. Бу галги кичик ҳажга вилоятимиздан 50 нафар отахон ва онахонлар йўл олди.