Самарқанд шаҳридаги 2-сон туғуруқхона мажмуасида оналар ва болалар саломатлигини ҳимоя қилиш учун барча шароит яратилган. 150 ўринли масканда айни пайтда малакали тиббиёт ходимлари фаолият юритмоқда.

– Муассасамизнинг барча бўлимлари  замонавий тиббий асбоб-ускуналар билан жиҳозланган, – дейди бош шифокор ўринбосари Фарҳод Зокиров. – Муддатидан олдин туғилган, кам вазнли гўдакларни даволаш ва парваришлашга алоҳида эътибор қаратилмоқда.

Шунингдек, асоратли туғуруқлар олди олиняпти. Оналарга туғуруққача бўлган зарур тиббий хизмат кўрсатилмоқда.

Жорий йилнинг ўн ойи мобойнида 4 минг 714 туғуруқ қайд этилди.