Самарқанд вилояти ҳокимлиги w w w . s a m a r k a n d . u z

“Олтин китоб” статуэткаси кимларга насиб этди?

“Олтин китоб” статуэткаси кимларга насиб этди?

Самарқанд вилоятининг Пастдарғом тумани халқ таълими тизимидаги 5 та мактаб ўқитувчиси “Олтин китоб” статуэткаси билан тақдирланди.

Аввал хабар қилганимиздек, “Олтин китоб“ статуэткасини жорий этиш бўйича Самарқанд вилоятининг Пастдарғом тумани халқ таълими фаоллари ташаббус кўрсатишганди.

– Ҳудудлардаги изланувчан ва ижодкор ўқитувчиларга эътибор қаратиш, устозларнинг ишини туман ва вилоят миқёсида оммалаштириш, ўз иш услубини яратган услубшуносларни рағбатлантириш ҳамда илғор ташаббусларини кенгайтириш мақсадида “Олтин китоб“ статуэткасини жорий этдик, – дейди Пастдарғом туман ХТБ бошланғич таълим услубчиси Нуржаҳон Маҳмадиярова.

Ўтган йил дастлабки мукофотга тумандаги 5-сон умумтаълим мактабининг бошланғич синф ўқитувчилари муносиб деб топилиб, “Зиё-2017” “Олтин китоб” мукофоти билан тақдирланганди.

Жорий ўқув йили якуни муносабати билан Пастдарғом туман 32-болалар мусиқа мактабида “Зиё-2018” “Олтин китоб” мукофотининг навбатдаги совриндорларини тақдирлаш маросими ўтказилди.

Бу йил ушбу мукофотга қуйидаги туман халқ таълими фидойилари муносиб кўрилди:

Инобат Норбоева – 124-умумтаълим мактабининг бошланғич синф ўқитувчиси;

Мавлуда Сувонова – 68-умумтаълим мактабининг бошланғич синф ўқитувчиси;

Гулдона Бойқобилова – 12-умумтаълим мактаби директори;

Зоҳид Тохиров – 93-умумтаълим мактабининг бошланғич синф ўқитувчиси;

Гулчеҳра Нуриддинова – 13-умумтаълим мактабининг бошланғич синф ўқитувчиси.

Шунингдек, тумандаги 15 нафар маҳоратли бошланғич синф ўқитувчилари ҳам ХТБнинг фахрий ёрлиқлари ва эсталик совғалари билан тақдирландилар.

 

ЎзА   


Охирги ўзгариш: 29/05/2018 14:34.   Кўрилганлиги: 132
 
Материал манзили: https://samarkand.uz/press/news/oltin-kitob-statuetkasi-kimlarga-nasib-etdi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 14

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг