Вилоят ҳокимлиги ва хотин-қизлар қўмитаси ташаббуси билан Ёшлар марказида “Оилаларни мустаҳкамлаш – жамият тараққиётининг асосидир” мавзусида конференция  ўтказилди.

Конференция иши фуқаролик ишлари бўйича вилоят суди, вилоят прокуратураси, ички ишлар, соғлиқни сақлаш ва халқ таълими бошқармалари, “Оила” илмий-амалий тадқиқот маркази вилоят бўлими, “Маҳалла” хайрия жамоат фонди, “Нуроний” жамғармаси ва Ёшлар иттифоқи вилоят Кенгаши билан ҳамкорликда ташкил этилди.

Тадбирда вилоят хотин-қизлар қўмитасининг бошқарув аъзолари, фаол аёллар, халқ депутатлари вилоят кенгаши депутат аёллари, вилоят бошқармалари ва жамоатчилик вакиллари, сиёсий партиялар раҳбарлари, туман, шаҳар хотин-қизлар қўмитаси раислари, ФҲДЁ бўлими мудиралари, маҳаллалардаги хотин-қизлар билан ишлаш ва оилаларда маънавий-аҳлоқий қадриятларни мустаҳкамлаш бўйича мутахассислар ҳамда оммавий ахборот воситалари вакиллари иштирок этишди.

онференция ишида оилалардаги нотинчликлар, ёрдамга муҳтож бўлган ва оғир ижтимоий вазиятга тушиб қолган хотин-қизларни қўллаб-қувватлаш, оилалардаги ижтимоий-маънавий муҳитни яхшилашга кўмаклашиш, оилавий ажримларнинг камайишига қаратилган ишларни янада такомиллаштириш масалалари муҳокама этилди.

Конференция ишида маърузачилар ҳамда иштирокчилар томонидан билдирилган фикр-мулоҳаза ва таклифлардан келиб чиқиб, тавсиялар қабул қилинди.