Самарқанд вилояти ҳокимлиги w w w . s a m a r k a n d . u z

ОАВ – ЖАМОАТЧИЛИК НАЗОРАТИНИНГ МУҲИМ СУБЪЕКТИ

ОАВ – ЖАМОАТЧИЛИК НАЗОРАТИНИНГ МУҲИМ СУБЪЕКТИ

Вилоят Матбуот уйида Ўзбекистон Журналистлари ижодий уюшмаси вилоят бўлими ҳамда Фуқаролик жамияти шаклланишини мониторинг қилиш мустақил институти вилоят ҳудудий бўлинмаси ҳамкорлигида “Соғлом она ва бола йили” Давлат дастури ижросини назорат қилишда ОАВнинг ўрни ва роли” мавзуида давра суҳбати ташкил этилди. 

Давлат дастури ижросини назорат қилишда оммавий ахборот воситалари ходимларининг роли нималарда кўринади, дастур ижросини ёритишда қайси жиҳатларга эътибор берилиши керак? Тадбирда сўзга чиққан Ўзбекистон Республикаси Олий Мажлиси Сенати аъзоси Н.Раббимова, Олий Мажлис Қонунчилик палатаси депутати А.Пардаев шу масалаларга тўхталиб ўтди.

– Жамоатчилик назоратининг тўрт субъектидан бири оммавий ахборот воситалари ҳисобланади, – дейди А.Пардаев. – Журналистлар жамиятдаги воқеа-ҳодисалардан бир қадам олдинда юрсагина мазкур назоратни амалга оширишда самарадорликка эришиши мумкин. Оммавий ахборот воситаларида Давлат дастури ижроси юзасидан кўплаб ахборот бериб борилади. Аммо белгиланган вазифаларнинг ижросида йўл қўйилаётган нуқсонларга ҳам кўпроқ урғу берилиши лозим.

* * *

Тадбир доирасида “Зарафшон” ва “Самаркандский вестник” газеталари бирлашган таҳририяти қошида ташкил этилган “Журналистик маҳорат мактаби” тингловчиларига сертификат топширилди.

Ўн йилдан буён фаолият кўрсатиб келаётган мазкур мактаб тингловчиларидан айримлари бугун вилоятдаги оммавий ахборот воситаларида фаолият кўрсатиб келмоқда.

Бу йил машғулотларга 30 нафар ёшлар қатнашди. Энг муҳими, мактаб турли йўналишлардаги таълим муассасаларида таҳсил олаётган, ишлаётган ёшларни қамраб олди. 


Киритилган вақти: 21/05/2016 18:34.   Кўрилганлиги: 431
 
Материал манзили: https://samarkand.uz/press/news/oav-jamoatchilik-nazoratining-muhim-subyekti

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 2

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг