Тошкентда мамлакатимиз иқтисодиёти, ишлаб чиқариш, илм-фан, маданият, таълим, соғлиқни сақлаш ва бошқа соҳаларда йиллар давомида ҳалол ва самарали меҳнат қилган нафақа ёшидаги юртдошларимиз, бир гуруҳ нуронийлар, меҳнат фахрийларига “Меҳнат фахрийси” кўкрак нишони топширилди.

Президентимиз томонидан таъсис этилган I, II ва III даражали нишонларга сазовор бўлганлар орасида ўзининг самарали фаолияти билан халқимиз ҳурматини қозонган каттақўрғонлик Қамариддин Аҳмедов, нурободлик Ислом Азимов ҳамда Самарқанд шаҳридан Насим Шодиевлар бор.