Венгриянинг Эгер шаҳрида бўлиб ўтган паралимпиячилар ўртасидаги дзюдо бўйича жаҳон кубоги баҳсларида ўзбекистонлик спортчилар умумжамоа ҳисобида биринчи ўринни эгаллади.

2016 йил Рио-де Жанейро шаҳрида ўтказиладиган ХV Паралимпия ўйинлари йўлланмалари учун рейтинг очколарини яхшилаб олиш имкониятини берувчи мазкур мусобақада полвонларимиз тўртта олтин, битта кумуш ва иккита бронза медалларига сазовор бўлишди.

Қувончлиси, пастдарғомлик полвон Нурбек Бердиёров 66 килограмм вазнда терма жамоамиз ҳисобига олтин медаль қўшди.

Нурбек халқаро Паралимпия қўмитаси ҳамда Бутунжаҳон кўзи ожиз спортчилар ассоциациясининг рейтинг таснифида ўз вазн тоифасида пешқадамлик қилмоқда. 

Ҳусан Элтоев