Тест синовлари бўладиган ўқув йилидан аввалги йилларда таълим муассасаларини тугатган ногирон абитуриентлардан тест синовларида иштирок этиш учун тўлов ундирилмайди, дейилади Адлия вазирлиги хабарида (https://t.me/huquqiyaxborot/5097).

Ҳарбий хизмат вазифаларини бажаришда ногирон бўлиб қолган Қуролли Кучларнинг контракт бўйича ҳарбий хизматчилари фарзандларига олий таълим муассасаларига ўқишга кириш учун тавсияномалар берилади.

I ва II гуруҳ ногиронлиги бўлган шахслар, ногиронлиги бўлган болалар олий таълим муассасаларига қўшимча икки фоизли давлат гранти асосида қабул қилинади.

Ногиронлиги бўлган шахсларнинг болалари боғчаларга жойлаштиришда имтиёзли рўйхатга киритилади.

Ота-оналардан бири ёки ҳар иккиси ҳам биринчи I ва/ёки II гуруҳ ногирони бўлган оилалар, ногирон боласи (болалари) бўлган оилалар иқтидорли фарзандлари қуйидагилар билан таъминланади:

- замонавий ягона мактаб формаси;

- асосий турдаги ўқув қуроллари;

- бадиий китоблар;

- болалар газета ва журналларига обуна қилиш;

- республика оромгоҳларида дам олишини ташкил этиш;

- республика бўйлаб саёҳатга бориш ва келиш харажатларини қоплаш.

Давлат грантлари бўйича таълим олган I ва II гуруҳ ногиронлиги бўлган шахслар олий таълим муассасаларидан академик таътил олганида ўқишга давлат грантлари асосида қайта тикланиши мумкин.