Самарқанд вилояти ҳокимлиги w w w . s a m a r k a n d . u z

НАВРЎЗ УМУМХАЛҚ БАЙРАМИГА ТАЙЁРГАРЛИК БОШЛАНДИ

НАВРЎЗ УМУМХАЛҚ БАЙРАМИГА ТАЙЁРГАРЛИК БОШЛАНДИ


Айни пайтда вилоятда Наврўз умумхалқ байрамини юқори савияда, кенг нишонлаш бўйича зарур чора-тадбирлар кўрилмоқда.


Байрамга тайёргарлик кўриш ва уни ўтказиш мақсадида вилоят ҳокими раҳбарлигида ташкилий-ижодий гуруҳ таркиби шакллантирилган. Шунингдек, байрам дастурларини тайёрлаш учун пойтахтдан тажрибали режиссёр ва мутахассислар ҳам жалб этилган. Улар ёрдамида намунавий сценарийлар, концерт дастурлари ишлаб чиқилди.

Бу йил Наврўз байрамини ташкил этишда асосий эътибор халқимизнинг миллий қадриятлари ва урф-одатларини қадрлаш ва акс эттиришга қаратилади. Халқ сайллари, байрам томошалари, маданий-маърифий тадбирларда “АЗИЗ ВАТАНДОШЛАР, ҲАР КУНИНГИЗ НАВРЎЗ БЎЛСИН!” деган ғоя устувор бўлади.

Асосий байрам тадбирлари вилоят маркази ва туман, шаҳарлардаги 29 жойда – истироҳат боғлари, хиёбон ва майдонлар, ўйингоҳлар, қир-адирлар ва табиат қўйнида ўтказилади.

Самарқанд шаҳридаги 14 ҳудудда халқ сайллари уюштирилади. Бу масканларда концерт дастурлари, миллий ва халқ ўйинлари, ҳунармандлик буюмлари кўргазмалари намойиш этилади. Баҳор таомлари тайёрланиб, сайлга чиққан кишиларга улашилади.

Байрам кунлари Самарқандга ташриф буюрадиган маҳаллий ва хорижий сайёҳлар учун “Самарқанд – туризм маскани” деб номланган махсус томоша-кўргазма уюштирилади.

Халқимиз Наврўзни азалдан меҳр-мурувват, саховат байрами сифатида нишонлайди. Ушбу анъанага мувофиқ, шаҳар ва туман ҳокимликлари, давлат ва жамоат ташкилотлари томонидан кам таъминланган оилаларга моддий ва маънавий ёрдам кўрсатилади, қариялар, бемор ва ногиронлиги бўлган кишилар ҳолидан хабар олинади.

Самарқанд шаҳридаги “Меҳрибонлик” уйлари, “Гўдаклар уйи”, “Мурувват” ва “Саховат” уйлари, 7 махсус мактаб-интернатда байрам дастурхони ёзиш, моддий ва маънавий кўмак бериш, маданий дастурлар уюштириш кўзда тутилган.

Байрам муносабати билан шу кунларда вилоятдаги маҳаллалар, хиёбонлар, зиёратгоҳ ва қабристонларда ободонлаштириш ва кўкаламзорлаштириш ойлиги доирасида оммавий ҳашарлар ўтказилмоқда.

Аҳолини байрам арафасида сифатли, арзон озиқ-овқат маҳсулотлари билан таъминлаш мақсадида Самарқанд шаҳридаги 6, туман ва шаҳарларда 15 бозор ва аҳоли гавжум масканларда қишлоқ хўжалик маҳсулотлари ярмаркалари ташкил қилинади.

 


Охирги ўзгариш: 11/03/2018 12:23.   Кўрилганлиги: 299
 
Материал манзили: https://samarkand.uz/press/news/navroz-umumxalq-bayramiga-tayyorgarlik-boshlandi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 11

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг