Самарқанд вилояти ҳокимлиги w w w . s a m a r k a n d . u z

НАВОИЙГА ЭҲТИРОМ

НАВОИЙГА ЭҲТИРОМ

Алишер Навоий таваллудининг 577 йиллиги Самарқандда кенг нишонланди.

 

Самарқанд шаҳридаги шоир номи билан аталувчи маданият ва истироҳат боғига йиғилган вилоят жамоатчилиги вакиллари, олимлар, шоир ва ёзувчилар, таълим муассасаларининг ўқувчи-талабалари улуғ мутафаккир бобомиз қолдирган улкан адабий мерос, эзгуликларни эътироф этдилар.

Самарқанд давлат университети профессори И.Мирзаев, вилоят "Зарафшон" ва "Самаркандский вестник" газеталари бирлашган таҳририяти бош муҳаррири Ф.Тошев, шоира Х.Бобомуродова Алишер Навоийнинг миллий адабиётимиз, халқимиз маънавияти, маърифати, тилшунослик равнақига қўшган ҳиссаси ҳақида сўз юритдилар.

– Навоий ижодининг биз, ёшларга ибрат бўладиган жиҳати шундаки, у ўз даврида туркий тилнинг имкониятлари нақадар кенглигини ижоди, истеъдоди билан исботлаб берган, – дейди Самарқанд педагогика коллежи ўқувчиси Н.Зиёдуллаева. – Бундан ташқари, у девонлари, достонларида ёшларга панд-насиҳатлар қилади. "Хазойин ул-маоний" ва "Девони Фоний", "Назм ул-жавоҳир", "Маҳбуб ул-қулуб" каби асарларида инсонпарварлик ғояларини гўзал тимсолларда ифода қилган.

Тадбирда талабалар ҳамда ижодкор ёшлар шоир ижодидан намуналар ўқишди. Шаҳарда фаолият юритаётган корхона ва ташкилотлар, муассасалар вакиллари шоир ҳайкали пойига гуллар қўйдилар.

Тадбирда вилоят ҳокими ўринбосари А.Умаров иштирок этди.



            


Охирги ўзгариш: 12/02/2018 10:57.   Кўрилганлиги: 160
 
Материал манзили: https://samarkand.uz/press/news/navoiyga-ehtirom

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 13

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг