Самарқанд давлат университетида Алишер Навоий “Хамса”сининг 530 йиллиги муносабати билан “Алишер Навоий “Хамса”си ва унинг Шарқ адабиёти тараққиётидаги улкан мавқеи” мавзуида республика илмий-амалий конференцияси ўтказилди.

Анжуманда хамсанавислик, унинг шаклланиши ва тараққиёти билан боғлиқ ижтимоий, маънавий ва адабий жараёнлар, бунда Алишер Навоий адабий меросининг мазкур жараёнларда тутган ўрни, ўзбек адабиётшунослиги ҳамда  бошқа халқлар адабиётшунослик марказларида шу соҳада эришилган натижаларни умумлаштириш, Навоий “Хамса”сининг 1484 йилда якунланганлиги ҳақидаги академик Б.Валихўжаевнинг ишларида илгари сурилган фикрларни асослаш ва илмий муомалага киритиш масалалари муҳокама этилди.

“Зарафшон” газетасидан