Вилоят ҳокимлигининг “2019 йилда Самарқанд вилояти сайёҳлик салоҳиятини ошириш ва туризм инфратузилмасини янада ривожлантириш бўйича Йўл харитаси назорат режаси”га мувофиқ Нарпай тумани Оқтош шаҳри истироҳат боғида “Кабоб сайли” ташкил этилди.

Илк бор ўтказилаётган сайлда  50 нафар ошпазлар томонидан турли хилдаги кабоблар ва миллий таомларимиз тайёрланди.

Мазкур тадбирда қўшни вилоятлардан ҳам меҳмонлар келиб, вилоятнинг миллий анъана ва одатларидан, ўйинларидан баҳраманд бўлишди. Санъаткорлар томонидан куйланган куй-қўшиқлар ва саҳна кўринишлари тадбирга ўзгача шукуҳ бағишлади.