Вилоят “Баркамол авлод” болалар ижодиёти марказида “Йилнинг энг фаол адолатчи аёли” республика кўрик-танловининг вилоят босқичи ўтказилди.

Ўзбекистон “Адолат” социал-демократик партияси Самарқанд вилоят Кенгаши ташаббуси билан ўтказилган танловда вилоятимиздаги дунёқараши кенг, сиёсий-ҳуқуқий саводхон, умумбашарий қадриятларни яхши ўзлаштирган, амалга оширган ишлари жамоатчилик томонидан кенг эътироф этилган фаол аёллар иштирок этишди.

Танлов натижаларига кўра, тайлоқлик Наргиза Юнусова биринчи, пайариқлик  Раъно Қаршиева иккинчи, оқдарёлик Нилуфар Бурхонова учинчи ўринга муносиб деб топилди.