Самарқанд вилояти ҳокимлиги w w w . s a m a r k a n d . u z

НАМУНАЛИ МАҲАЛЛАЛАР ТАНЛОВИ ЎТКАЗИЛДИ

НАМУНАЛИ МАҲАЛЛАЛАР ТАНЛОВИ ЎТКАЗИЛДИ

Самарқанд шаҳридаги Концерт залида “Энг намунали фуқароларнинг ўзини ўзи бошқариш органлари” республика кўрик-танловининг вилоят босқичи бўлиб ўтди. 

“Гўзал ва бетакроримсан, муқаддас Ватаним, жоним сенга фидо, Ўзбекистоним!” шиори остида ўтказилган тадбирда вилоят ҳокимининг биринчи ўринбосари Ҳ.Оқбўтаев, “Маҳалла” хайрия жамоат фонди вилоят бўлими раиси Ш.Йўлдошев ва бошқалар Президентимиз Ислом Каримов раҳнамолигида демократик ислоҳотларни чуқурлаштириш ва фуқаролик жамиятини ривожлантириш борасидаги ислоҳотлар жараёнида фуқароларнинг ўзини ўзи бошқариш органлари фаолиятини янада такомиллаштириш, уларнинг ҳуқуқ ва ваколатларини кенгайтиришга алоҳида эътибор қаратилаётганини таъкидлади. Бу давлат ва жамият ҳаётида маҳалла институтининг ўрни ва ролини ошириш, ҳудудларни ижтимоий-иқтисодий ривожлантириш, ижтимоий-маънавий муҳит барқарорлигини таъминлаш, оилаларни мустаҳкамлаш, хотин-қизлар ва ёшлар манфаатларини муҳофазалашга хизмат қилмоқда.

Танловда туман, шаҳар босқичида ғолибликни эгаллаган 16 маҳалла жамоаси қатнашди. Улар фаолиятига баҳо беришда маҳалла ҳудудида юксак маънавий муҳитни қарор топтириш, миллатлараро дўстлик ва ҳамжиҳатликни мустаҳкамлаш, ёшлар тарбияси, миллий қадриятларимизни асраб-авайлаш, хотин-қизлар бандлигини таъминлаш борасидаги ишлари, “Соғлом она ва бола йили” Давлат дастури ижроси юзасидан амалга оширилаётган чора-тадбирларга алоҳида эътибор қаратилди.

Шунингдек, иштирокчиларнинг фуқароларнинг ўзини ўзи бошқариш органлари фаолиятига доир қонун ҳужжатларига оид билими, учраётган турли муаммоларнинг ечимини топиш юзасидан қарашларига баҳо берилди.

Пайариқ туманидаги “Мустақиллик” маҳалла фуқаролар йиғини энг намунали фуқароларнинг ўзини ўзи бошқариш органи, деб топилди ва танловнинг мамлакат босқичига йўлланма олди.

Тадбир доирасида маҳалла фуқаролар йиғинлари фаолиятига оид фотоальбом ва стендлар намойиш этилди, миллий ҳунармандлик маҳсулотлари кўргазмаси ўтказилди.

Ғолиб ва совриндорлар ташкилотчилар томонидан муносиб рағбатлантирилди.

Ғ. Ҳасанов


Киритилган вақти: 27/07/2016 17:48.   Кўрилганлиги: 493
 
Материал манзили: https://samarkand.uz/press/news/namunali-mahallalar-tanlovi-otkazildi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 15

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг