Самарқанд вилояти ҳокимлиги w w w . s a m a r k a n d . u z

МУВОФИҚЛАШТИРУВЧИ КЕНГАШ ЙИҒИЛИШИ

МУВОФИҚЛАШТИРУВЧИ КЕНГАШ ЙИҒИЛИШИ

Вилоят ҳуқуқни муҳофаза қилувчи идоралар мувофиқлаштирувчи кенгашининг кенгайтирилган йиғилиши бўлиб ўтди.

Йиғилишда 2016 йилнинг биринчи чорагида қонунийликни мустаҳкамлаш, фуқароларнинг ҳуқуқ ва эркинликларини муҳофаза қилиш, жиноятчиликнинг, шунингдек, диний экстремизм билан боғлиқ хатти-ҳаракатларнинг олдини олиш борасида ҳуқуқни муҳофаза қилувчи идоралар томонидан амалга оширилган ишлар ҳамда Ўзбекистон Республикасининг “Одам савдосига қарши курашиш тўғрисида”ги Қонуни ижроси ва келгусидаги вазифалар муҳокама қилинди.

Йиғилишда вилоят прокурорининг ўринбосари Д.Касимов маъруза қилди.

Таъкидландики, 2016 йилнинг ўтган даврида умумий жиноятлар сони камайган. Жумладан, одам ўлдириш 7,7, босқинчилик 22,2, ўғрилик, гиёҳвандлик билан боғлиқ жиноятлар 2,1, одам савдоси билан боғлиқ жиноятлар 4,1, шунингдек, ёшлар томонидан жиноят содир этилиши 7,9, вояга етмаганлар жинояти 11,1 ҳамда аёллар томонидан содир этилганлари 40,5 фоизга кам қайд этилган.

Баъзи туманларда жиноятчиликка қарши кураш ва унинг олдини олишга қаратилган профилактик тадбирлар етарли самара бермаганлиги сабабли жиноятларнинг айрим турлари ошган.

Жиноятчилик ва ҳуқуқбузарликка қарши курашиш, унинг олдини олиш, фуқароларнинг ҳуқуқ ва эркинликларини таъминлаш борасида ҳуқуқни муҳофаза қилувчи органлар, жойлардаги давлат бошқарув идоралари ва қатор жамоат ташкилотлари билан ўзаро ҳамкорликни кучайтириш ҳамда ёшлар таълим-тарбиясини такомиллаштириш, одам савдоси ва ёт оқимларга қарши курашиш борасидаги ишларнинг самарадорлигини ошириш, аҳоли бандлигини тўлиқ таъминлаш, мурожаатлар билан ишлаш масалаларига алоҳида эътибор қаратилди.

Тадбир давомида муҳокама қилинган масалалар юзасидан ҳуқуқни муҳофаза қилувчи органлар ва масъул идоралар раҳбарларининг ахборотлари тингланди. Йиғилиш якунида камчиликларни бартараф этиш ва соҳада фаолият самарадорлигини оширишга қаратилган қарор қабул қилинди.

Хондамир Мардиев


Киритилган вақти: 16/04/2016 18:20.   Кўрилганлиги: 608
 
Материал манзили: https://samarkand.uz/press/news/muvofiqlashtiruvchi-kengash-yigilishi-2016-04-16

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 15

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг